instalazioak eta zerbitzuak

 

Bilboko Blas de Otero Unibertsitate Egoitzako instalazioak eta zerbitzuak

Seguru gaude noizbait imajinatu duzula dena gertu dagoen leku batean bizitzea, ikaskide eta lagunekin egon ahal izatea eta eskura izatea behar duzun guztia.  

Halaxe da Blas de Otero Unibertsitate Egoitza. Gure egoitzek hainbat instalazio eta zerbitzu dituzte, denak zuk gozatzeko pentsatuta. 

Bilboko unibertsitate egoitzan bizitzea, gela batean bizitzetik harago, aukera paregabea da bizikidetzarako eta zure egonaldia aberastuko duten bizipenak ikaskideekin partekatzeko.  

Instalazioak:

• Telebista eta DVD gela  
• Gimnasioa
• Ikasteko gela
• Joko-aretoa
• Garbitegi autozerbitzua: txaponekin dabil (1,5 € ikuzgailurako eta 1,5 € lehorgailurako)
• Aparkalekua
• Bizikletetarako aparkalekua doan
• Banako postontzia
• Bilera-gela

Zerbitzuak:

• Vending zerbitzua. Janari eta edariak saltzeko makinak.
• Eguneko prentsa. Egoitzak Berria, Deia, El Correo eta El País egunkarietako harpidetza du.
• Zuzendaritza eta harrera-lekua. Jendaurreko ordutegia: astelehenetik ostiralera 9etatik 19etara, eta asteburu eta jaiegunetan 24 orduetan. Harrera-lekuan beti egongo da norbait laguntzeko prest.
• Egoitzako gune komunen garbiketa zerbitzua. Gela garbitzea zure ardura da, baina, hala nahiago baduzu, asteroko garbiketa zerbitzua kontratatu dezakezu.
• Mantentze zerbitzua. Astelehenetik ostiralera, 15etatik 19etara. Zerbait matxuratzen bada, guri abisatu eta lehenbailehen konpontzen saiatuko gara.
• Atezaintza zerbitzua. Astelehenetik ostiralera 23etatik 8etara, eta asteburu eta jaiegunetan 24 orduetan.
• Mailegu zerbitzua: plantxak,  lisatzeko oholak, aspiragailuak, mahai-jokoak, erosketetarako orga eta arroparako saskia. Zure nortasun agiria uzten baduzu, utziko dizugu; hartara, ez duzu etxetik ezer ekarri beharko, eta ez dizu alferrikako lekurik hartuko zure gelan.
• Ordenagailu portatilen mailegua

Aukerako zerbitzuak: aparte kontratatu daitezkeen zerbitzuak dira.

Prezioen indarraldia: 1109/01 – 12/08/31. BEZa barne.

• Asteroko gelako garbiketa zerbitzua (sukaldea izan ezik): 41,60 €/hilean
• Maindire eta toallen asteroko banaketa zerbitzua: 47,80 €/hilean
• Autorako aparkalekua: 79,00 €/hilean (egoitzakoentzat), eta 96,40 € (kanpokoentzat)
• Motorrerako aparkalekua: 35,50 €/hilean
• Bizikletetarako aparkalekua doan