Contratación online e proceso de confirmación da reserva curso 2008/09

Se fuches admitido/a na residencia, explicámosche cal é o procedemento a seguir para formalizar o teu contrato de aloxamento.

• O 4 de agosto de 2008 enviarémosche por correo electrónico a carta de admisión xunto coas cláusulas xerais (condicións) do contrato en formato PDF. Este correo electrónico é meramente informativo.
• O 8 de agosto de 2008 enviarémosche por correo electrónico as claves de acceso á zona usuarios da web de RESA.

Para formalizar a contratación definitivamente é imprescindible que, antes do 25 de agosto de 2008, fagas o seguinte:

Se es residente novo:

1. Aceptar as cláusulas xerais (condicións) do contrato a través da Zona de usuarios do web de RESA.

2. Pagar o depósito de garantía (fianza) no número de conta indicado.

3. Enviar por correo postal á residencia:

· Dúas copias do Regulamento de réxime interno, que encontrarás na zona de usuarios, sección Outros documentos contractuais, debidamente cubertas e asinadas en todas as súas páxinas.

· O impreso de domiciliación bancaria que atoparás na Zona de usuarios, sección Outros documentos contractuais, debidamente cuberto e asinado.

· O resgardo bancario do ingreso do depósito de garantía (fianza). A información para o pagamento de depósito de garantía (fianza) atoparala na Zona de usuarios, sección Cláusulas particulares, punto C2.

· Unha fotocopia do DNI/pasaporte.

· Dúas fotografías tamaño carné coa indicación na parte posterior do teu nome e apelidos.

· Unha fotocopia da matrícula da universidade correspondente ao curso 2008-09 (se aínda non a enviaches).

Se es antigo residente:

1. Aceptar as cláusulas xerais (condicións) do contrato a través da Zona de usuarios do web de RESA.

2. Pagar a regularización do depósito de garantía (fianza) no número de conta indicado se o importe é positivo.
Se o importe da regularización da fianza é negativo (saldo ao teu favor), esta cantidade descontarase da primeira mensualidade do curso 2008/09 e, polo tanto, non terás que facer ningún ingreso na conta da residencia.
A información para o pagamento da regularización do depósito de garantía (fianza) toparala na Zona de usuarios, sección Cláusulas particulares, punto C2.

3. Enviar por correo postal á residencia:

· Unha fotocopia da matrícula da universidade correspondente ao curso 2008-09 (se aínda non a enviaches).

· Dúas fotografías tamaño carné coa indicación na parte posterior do teu nome e apelidos.

· O resgardo bancario do pagamento da regularización da fianza.

Os estudantes non residentes en España só teredes que enviar o resgardo bancario do depósito de garantía (fianza) ao número de fax da residencia. O resto da documentación deberedes entregala na residencia o día da vosa chegada.

IMPORTANTE: de non recibir esta documentación no prazo indicado, anularase a reserva.

Estamos á túa enteira disposición para resolver calquera dúbida que che poida xurdir: (+0034) 902 444 447, resa@resa.es