8. É imprescindible achegar toda a documentación que se me solicita ao formalizar a inscrición na residencia?

Si, é completamente imprescindible achegar toda a documentación solicitada; do contrario, serás automaticamente excluído/a da convocatoria de prazas. Para evitar este problema é recomendable que, cando envíes a documentación, chames á residencia para comprobar que recibiron correctamente todos os documentos.

Se no momento de realizar a solicitude de inscrición non dispós dalgúns dos documentos requiridos (por exemplo: a nota das PAU), debes envialos por fax á residencia en canto os teñas para que os poñan xunto co teu expediente e os teñan en conta na adxudicación de prazas.

Ten en conta que non todas as residencias solicitan a mesma documentación para realizar a preinscrición, por iso che recomendamos que leas con atención as condicións de reserva que aparecen antes de cubrir o formulario de inscrición da residencia en cuestión.