Secciones principales de la web:

Buscador

Buscador:

Siga connosco en:

localización

O Complexo Residencial As Burgas encóntrase xunto ao Campus Universitario As Lagoas, onde están as facultades de Historia, Ciencias, Dereito, Ciencias Empresariais e Turismo, Ciencias da Educación, Enxeñaría Técnica e Informática.

Como chegar ao Complexo Residencial As Burgas?

1. En avión: o aeroporto máis próximo a Ourense é o aeroporto de Peinador, situado a 10 km de Vigo e a unha hora aproximadamente en coche da cidade de Ourense (autovía A2). Tamén podes ir de Vigo a Ourense en tren ou en autobús.

2. En autobús: na estación de autobuses de Ourense informarante sobre as liñas e os horarios. Teléfono: 988 216 027.

3. En tren: na páxina web de Renfe (www.renfe.es) podes consultar os horarios dos trens que van a Ourense.

4. En coche:

Se vés desde Vigo tes que coller a autovía A2, en dirección Ourense.
Se vés desde Santiago de Compostela podes coller a nacional 525 ou a autoestrada AP‑53.
Se vés desde Lugo tes que coller a nacional 540 durante 80 km e despois a nacional 525 durante 9 km.
Finalmente, se vés desde A Coruña, podes coller a AP‑9 ata Santiago e despois realizar o percorrido Santiago‑Ourense de acordo coas indicacións anteriores.

Cando chegues á cidade debes seguir todas as indicacións que hai ata o Campus Universitario As Lagoas.

Desprazarse por Ourense

O xeito máis práctico, económico e ecolóxico de moverse por Ourense é andando, xa que a residencia está a 10 minutos a pé do centro da cidade. Non obstante, o autobús número 10 ten unha parada no campus universitario próxima á residencia.
Outra forma de desprazarse por Ourense é en bicicleta. A residencia dispón de aparcadoiro gratuíto. Tamén o concello creou un servizo de préstamo de bicicletas cunha parada na entrada do Campus As Lagoas.